Unha rede de mentoría para fortalecer e consolidar ás empresas de economía social.
ES-Mentoring é un programa desenvolvido pola Consellería de Promoción do Emprego e Igualdade, a Unión de Cooperativas Galegas EspazoCoop, e a Asociación Galega de Cooperativas Agroalimentarias.
Tras un exitoso programa piloto en 2022, na edición de 2023 buscou consolidar este proxecto, ofrecendo apoio e mentoría a cooperativas e entidades de economía social en Galicia.
A súa misión é compartir coñecementos, experiencias e habilidades entre profesionais experimentados e entidades que precisan mellorar e adaptarse a novos desafíos.
A economía social é fundamental para o desenvolvemento sostible e inclusivo, xa que promove valores como a participación, o traballo colaborativo e a integración.
En Galicia, o tecido de economía social está composto por cooperativas e empresas que buscan non só o beneficio económico, senón tamén o impacto social positivo.
Programas como ES-Mentoring permiten fortalecer estas organizacións, proporcionando o apoio necesario para superar momentos de cambio, crise ou transformación.
As mentorías buscan non só mellorar a xestión interna das entidades, senón tamén fomentar o crecemento persoal e profesional das persoas involucradas, creando un sistema de apoio sólido para os sectores cooperativos e sociais.
Esta iniciativa non só promove a intercooperación, senón que tamén mellora as prácticas de sustentabilidade, a integración de ODS e a transición dixital.
Xeneme participamos como mentores no programa ES-Mentoring, compartindo a nosa experiencia en innovación social, xestión de proxectos e participación comunitaria, pero sobre todo na parte de xestión de procesos, dixitalización e estratexias de desenvolv emento de negocio.
Durante o proceso, traballamos directamente con unha empresa, axudándoa a adaptar as súas estratexias e procesos para mellorar o seu impacto e garantir a súa sustentabilidade. Esta participación permitiunos reforzar a nosa relación co tecido da economía social galega e contribuír ao seu desenvolvemento.
#economíasocial, #mentoría, #EspazoCoop, #cooperativasgalegas, #innovaciónsocial, #ODS, #transicióndixital, #emprendementosocial, #redesdecolaboración.
Traballo realizado en rede con: